Ndeshja e sotme Rumani – Shqipëri pritet me shumë entuziasëm nga të gjithë tifozat shqiptarë. Ata tashmë kanë nisur festimet në të gjithë Francën dhe po presin takimin vendimtar të Shqipërisë kundër Rumanisë që luhet sot në Lion.
Pikërisht ky qytet është kthyer në pikën e re të grumbullimit të mbështetësve kuqezi, të cilët kanë filluar festën e tyre që në natën e të shtunës, siç e tregon videoja në vijim. Pritet që në stadiumin e Lionit të jenë të pranishëm rreth 15 mijë tifozë shqiptarë.
