Policia e Vlorës ka arrestuar një 36-vjeçar të shpallur në kërkim për plagosjen me armë zjarri, të ndodhur para 4 ditësh në Vlorë.
Sipas të dhënave zyrtare është vënë në pranga shtetasi Elton Zotaj, banues në Vlorë.
Arrestimi i tij u bë për ngjarjen e ndodhur më datë 14.06.2016, në një lokal eurolloto në lagjen “Lef Sallata”, ku pas një konflikti për motive të dobëta (të çastit), Zotaj, dyshohet se ka plagosur rëndë me pistoletë në këmbë shtetasin RR. M., 37 vjeç, banues në lagjen “Hajro Çakërri” Vlorë, i cili ndodhet në Spitalin Rajonal, jashtë rrezikut për jetën.
Për këtë ngjarje është bllokuar dhe sekuestruar arma e zjarrit “Pistoletë-Glock” me të cilën është kryer plagosja, si dhe është kapur në flagrancë poseduesi i saj, shtetasi Edmond Maskaj (i përfshirë në këtë konflikt).
Materialet iu referuan Prokurorisë për veprat penale “Plagosje e rëndë me dashje” dhe “Mbajtja pa leje e armëve luftarake e municioneve”, në ngarkim të shtetasit Elton Zotaj.
