Federatat e Kroacisë dhe të Turqisë do të njihen të hënën me sanksionet e UEFA-s pas incidenteve të së premtes të dhjetëra tifozëve të tyre në stadiumet e Saint-Etienne dhe të Nice, bëri të ditur të shtunën instanca drejtuese e futbollit evropian.
Incidentet e tifozëve të Kroacisë ndodhen në stadiumin e Saint-Etienne, ndërsa ato të tifozëve të Turqisë në stadiumin e Nice, duke hyrë në fushën e lojës, për thirrje raciste etj.
Në një rast të tille, UEFA ka marrë masa ditë me parë edhe ndaj Rusisë, duke e paralajmëruar për përjashtim nga kompeticioni në rast të përsëritjes së akteve të dhunshme të tifozëve rusë në stadiume apo rrugët e qyteteve.
