Një 45 vjeçar nga Fushë Kruja ka shfrytëzuar një vajzë vetëm 14 vjeçare për prostitucion.
Sipas policisë, aktivitetin e prostitucionit autori i krimit Astrit Nika e ka bërë në banesën e tij ku ftonte meshkuj të tjerë kundrejt pagesës të kryenin marrëdhënie seksuale me 14 vjeçare. Bashkë me të, policia ka arrestuar edhe një 17 vjeçar me iniciale A.L.
Këta shtetas për “një periudhë kohe” të papërcaktuar nga policia e kanë shfrytëzuar 14 vjeçaren për të kryer prostitucion. 45 vjeçari mësohet se e ka shfrytëzuar dhe vet seksualisht.
“Shtetasit e mësipërm për një periudhë kohe kanë shfrytëzuar për qëllime prostitucioni, në banesën e Nikës, shtetasen S.M.14 vjeçe. Nika ka kryer marrëdhënie seksuale, me shtetasen S.M. dhe e ka shfrytëzuar këtë shtetase që të kryente marrëdhënie me persona të tjerë kundrejt pagesës. Gjatë kontrollit në banesën e Nikës u gjet edhe shtetasi A.L”, sqaron policia lokale.
Policia thotë se Nika është person me precedentë penalë të mëparshëm.
Materialet i kaluan Prokurorisë së Rrethit Gjyqësor Krujë për veprime të mëtejshme për veprat penale ”Shfrytëzimi i prostitucionit”dhe”Marrëdhënie seksuale ose homoseksuale me dhunë”.
