Vendimi i Gjykatës ditën e djeshme i cili i dha “arrest shtëpie” kryebashkiakut të Kavajës, Elvis Rroshi, është bërë shkak për plagosjen e tre persona me armë zjarri.
Mesohet se nje prej te plagosurve eshte kreu i Forumit Rinor te Partise Demokratike te Kavajes.
Ngjarja ka ndodhur në qendër të qytetit, rreth orës 13:00 në një lokal para Bashkisë së Kavajës, e cila ka nisur fillimisht si një debat mes autorit Sajmir Kurti dhe shtetasit Eqerem Kazazi.
Ne foto Irkid Kazazi
Debati verbal ka degjeneruar në një sherr me grushte. Pas kësaj Kurti ka nxjerrë një pistoletë e ka qëlluar në drejtim të babë e bir, Eqerem dhe Irkid Kazazi.
Plumbat kanë prekur edhe shtetasin Dritan Xhixha, shites farash i cili ndodhej jashtë lokalit ku ka ndodhur konflikti.
Të plagosurit, të cilët janë dërguar në spitalin e qytetit, jane shtetasit; Eqerem Kazazi, 48 vjeç; Irkid Kazazi, 21 vjeç, dhe D.Xh, 46 vjeç. Mesohet se Irkid Kazazi eshte kreu i Forumit Rinor te Partise Demokratike te Kavajes.
Nga të dhënat paraprake, mësohet se ngjarja ka ndodhur për motive të dobëta.
Ndërkaq, policia po vijon hetimet për ngjarjen.
Sajmir Kurti eshte nje personazh i njohur i jetes publike ne Kavaje. Ai ka qene Drejtor i Zyres se Punes te qytetit te Kavajes.
NJOFTIMI I POLICISE
Më datë 17.06.2016, në afërsi të Bashkisë Kavajë, ka ndodhur një konflikt i cili ka degraduar në plagosjen me armë zjarri të shtetasve E. K., 48 vjeç; I. K., 21 vjeç dhe D. Xh., 46 vjeç, banues në Kavajë, të cilët ndodhen në Spitalin Rajonal Durrës jashtë rrezikut për jetën.
Shërbimet e Komisariatit të Policisë Kavajë kanë bërë të mundur identifikimin dhe shoqërimin e autorit të dyshuar shtetasit, – Saimir Kurti. Ai eshte arrestuar ne ambientete e policise.
Po punohet për sqarimin e plotë të rrethanave të ngjarjes.
