Kryeministri Edi Rama u jep zemër futbollistëve pak orë para përballjes së Kombëtares shqiptare me atë franceze,
Në një status në facebook, Rama shkruan se kjo sfidë do të jetë super e vështirë por asgjë nuk është e pamundur.
Rama inkurajon ekipin të jetë i çliruar nga presioni i përgjegjësisë ashtu siç ndodhi në pjesën e dytë të ndeshjes me Zvicrën.
“Sonte sprova e dytë e Kuqezinjve. Super e vështirë po asgjë s’është e pamundur nëse djemtë e mrekullueshëm të Kombëtares do të hyjnë në fushë të çliruar nga presioni i jashtëzakonshëm i përgjegjësisë, që i pengoi të luanin lirisht në gjysmën e pjesës së parë të ndeshjes me Zvicrën dhe të ishin të kthjellët në rastet e pastra vetëm për vetëm përballë portierit… Le t’u çojmë me një like mesazhin e mbështetjes sonë të pakushtëzuar nga rezultati dhe cilido qoftë rezultati, ata mbeten heronjtë e padiskutueshëm të këtij momenti magjik të futbollit tonë #ForcaShqiperia në fushën e lojës dhe në shkallët e stadiumit ku tifozët kuqezinj bënë të flitet me superlativa për kulturën sportive që shfaqën para, gjatë dhe pas ndeshjes së parë me Zvicrën”, shkruan kryeministri duke publikuar edhe promon e ndeshjes së sotme.
