Gjatë fundjavës së kaluar, makeup artisti i Kim Kardashian, Mario Dedivanovic ndau këshillat më të mira, truket dhe rekomandimet e produkteve kozmetike deri në arritjen e grimit të përsosur. Gjeni kohën e nevojshme për ti praktikuar këto truke të dobishme.
1. Së pari grimi, e më pas flokët. “Kur klientët rregullojnë së pari flokët, vijnë tek unë me fytyrën plot sprej dhe llak, kështuqë gjëja e parë që bëj është të pastroj fytyrën me një pecetë të lagësht”, thekson Dedivanovic derisa përgatiste lëkurën e Kim-it për makeup tutorialin.
2. Ndërroni Primer me një produkt hidratues. Grimieri Mario rekomandon që të aplikoni një krem për zbutje në tërë fytyrën, qafën dhe gjoksin -kjo me të vërtetë ndihmon shumë që baza të shtrihet më lehtë. Ai thekson se nuk dëshiron të krijojë barrierë mes lëkurës dhe makeup-it, andaj edhe n uk preferon Primer-in.
3. Aplikoni bazën (sherkun) gjithandej. Ju ndoshta mund ta shtrini atë në ballë, hundë, mjekërr, faqe, por ku janë qepallat, gjoksi, veshët, madje edhe këmbët? Mario thekson se për një pamje sa më spektakolare në tapetin e kuq, ai merret shumë me perfeksionimin e personave të famshëm, i cili punon nga koka derit e këmbët, për të finalizuar punën e tij të shkëlqyer.
4. Aplikoni pudër pluhur. Mario thekson se pas shtrirjes së mirë të bazës, duhet aplikuar pudër në formë pluhuri apo spreji rreth fytyrë, në mënyrë që të krijoni ekuilibër më të mirë dhe mos të krijoni njolla në fytyrë.
5. Krijoni një efekt delikat ombre me vetullat tuaja. Mario kalon një kohë të gjatë në përsosjen e vetullave të Kim Kardashian, dhe është mëse e qartë – efekti është transformues. Për mbushjen e qosheve të jashtme të vetullave, ai përdor Anastasia Brow Wiz, ndërsa nuancën kaftë më të lehtë, e cila është më e butë dhe e ëmbël, në pjesën e brendshme të vetullave.
6. Kremërat së pari, më pas pudrat. Ashtu sikur me fytyrën, Mario nuk lejon aplikimin e Primer-it rreth zonës së syve, por lejon që kremi të laujë rolin e mbajtjes së pigmentit gjatë gjithë ditës. Aplikimi i pudrës pas kremit, e bën pamjen tuaj më intenzive dhe mahnitëse.
7. Trefishoni lajnerin e syve gjatë grimit. Nëse keni vetëm një llajner për sy në çantën tuaj, atëherë e keni shumë gabim. “Unë zakonisht bëj tri deri katër shtresa të lajnerit për sytë”, tregon Mario gajtë ecurisë së përshkrimit të tutorialit. Së pari, aplikon lajner MAC Kohl në bazën e qepallave, pastaj vazhdon me lajner të lëngshëm MAC duke e ngritur lehtë vijën në skajet e jashtme dhe përfundon punën me krem Anastacia Colorme Color. Pyesni vallë pse një përpjekje aq e mundimshme? “Epo, unë parapëlqej të bëj këtë sepse kjo i jep një përkufizim të bukur dhe duket shumë mbresëlënëse”.
8. Zhdukni rrathët e errët poshtë syve. Mario ka një aftësi të paparë në zhdukjen e rrathëve të errët poshtë syve, ku edhe vet Kim Kardashian pohon se e ka pasur të vështirë ti largojë meqenëse e ka edhe gjenetike pasi ka origjinë armeniane. Grimieri thekson të aplikoni një shtresë të trashë të fshehësit (concealer) në formën e një trekëndëshi me kokë te poshtë, shtrini mirë me një brushë përgjatë gjithë zonës derisa të unifikohet me bazën. Më pas, përdorni një sfungjer për të zbutur pamjen me pak pudër.
8. Krijoni qerpikë të vërtetë. “Unë kurrë nuk kam përdorur zgjatje të qerpikëve artificial. Mendoj se është nga origjina armeniane. Unë besoj në Latisse (produkt për rigjenerimin e qerpikëve). Unë nuk e përdori tani, por pas lindjes së vajzës, qepikët e mi kishin nevojën për të dhe e përdora deri sa qerpikët u rritën sërish e më pas ndërpreva përdorimin.” Në vend të kësaj, Mario krijon efektin e syve të hapur, me anë të maskarës origjinale voluminoze L’Oreal duke e aplikuar nga rrënjet deri lart e më pas me anë të një krehëri i rregullon mos të ngjiten. Më pas, me anë të pincetës dhe ngjitësi të zi, ai fillon aplikimin e qerpikëve artificial me madhësi të ndryshme, më të gjata në qoshet anësore, ndërsa më mesataret kah fillimi. Kjo të jep një pamje shumë natyrale sikur të kishit qerpikët e juaj në gjendje natyrale, dhe përfundon punën duke i lyer sërish me maskarë.
9. Aplikoni kontura, hijëzim dhe skuqës faqesh. “Kjo është pjesa ku ai bëhet i ashpër”, thekson Kim, i cili me përdorimin e brushës dhe bronzerit thekson tiparet e fytyrës në mënyrë të hatashme, duke i ndarë me nuanca më të lehta dhe të rënda, varësisht nga përkufizmi i fytyrës. Pas konturave dhe hijëzimit, finalizon punën me pak skuqës të faqeve dhe rezultati është i pabesueshëm./
