PS dhe LSI kanë bashkuar votat dhe kanë miratuar në parim dhe nen për nen draftin kushtetues të reformës në drejtësi pa opozitën në komisionin e posaçëm parlamentar. Të pranishëm në mbledhje kanë qenë edhe ambasadorët Donald Lu dhe Romana Vlahutin. Pas miratimit në komision, drafti do të shkojë në parlament.
Mediat raportojnë se nuk janë votuar nenet që nuk pranohen nga opozita lidhur me
emerimet ne institucionet e reja te drejtesise.
Opozita u largua nga komisioni para nisjes së votimit nga deputetët, ndërsa deputeti Bylykbashi tha më herët se miratimi është anti-ligjor.
Përpjekjet për arritjen e një konsensusi mes palëve ditët e fundit kanë qenë intensive por nuk ka pasur rezultat. Po sot PD mblodhi grupin dhe në përfundim, kreu i PD-së Lulzim Basha ka kërkuar zbatimin dhe implementimin e opinionit përfundimtar të Komisionit të Venecias dhe pikës 88.
“Nëse pala kundërshtare bie dakord, do e miratojmë, nëse jo mirupafshim”, ka thënë Basha.
