Për herë të parë vjen një projekt i qeverisë shqiptare për mbështetjen e sipermarrjeve sociale të të rinjve në tre vitet e para, me synim rritjen e punësimit.
Ligji i ri mbi “Ndërmarrjet Sociale në Republikën e Shqipërisë” u miratua javën e kaluar në kuvend me 75 vota pro asnjë kundër dhe asnjë abstenim.
Por, çfarë janë ndërmarrjet sociale dhe ku do të fokusohen?
Sipas përfaqësuesve të Ministrisë së Mirëqenies Sociale, ky ligj ka ardhur si pasojë e diskutimeve të shumta dhe studimeve të shoqërisë civile, të cilat kanë parë të nevojshme nxitjen e ndërmarrjeve sociale.
Qëllimi i këtyre ndërrmarjeve sociale është punësimi i personave që janë të pafovorizuar në tregun e punës. Kategori si ndihma ekonomike, personat me aftësi të kufizuar, jetimët, gratë viktima të dhunës dhe trafikimit etj.
Sa i përket formës juridike të ndërrmarjeve sociale, është parashikuar të jetë një organizatë jofitimprurëse por struktura që do të ketë kjo ndërrmarje do të jetë vendimmarrëse dhe ekzekutive. Pjesë e këtyre ndërrmarjeve do të jenë edhe punonjësit vullnetarë.
Tendenca për sipërmarrje personale në Shqipëri është pak e njohur, por përmes këtij ligji do të krijohet hapësira e duhur për të motivuar të rinjtë dhe punësimin. Ndërkohë që vende të tilla si Gjermania, Italia dhe Serbia kanë modele të këtyre ndërmarrjeve, sesi ky ligj sjell zhvillimin e ekonomisë së vendit.
