I mbani mend ato dy shqiponjat e gjalla që kapën atë avionin e telekomanduar DJI Phantom 3 në qiell vitin e kaluar, duke kujtuar se ishte ushqim? Rezultoi se ato mund të bënin diçka.
Policia Holandeze po stërvit shqiponjat për të kapur avionët e telekomanduar nga qielli dhe ti sjellin ata para drejtësisë. Shikoni edhe vet në videon e mëposhtme , të cilën policia e lëshoi të dielën.
Video tregon një shqiponjë që kap një avion të telekomanduar në ajër dhe e ul atë në afërsi të tokës. Gjithsesi kjo metodë lë të hapur mundësinë që të dëmtohen zogjtë nga avioni i telekomanduar. Një zëdhënës i policisë Holandeze tha se po kërkojnë mënyra për ti mbrojtur shqiponjat nga dëmtimet.
Policia do të vendosë “në pak muaj” nëse shqiponjat janë një metodë e mirë për të ndaluar përdorimin e të gjithë avionëve të telekomanduar të padëshiruar , sipas një njoftimi në faqen e internetit të Korpusit Kombëtar të Policisë.
Policia Holandeze po kërkon dhe metoda të tjera për të mbajtur larg qiellit avionët e telekomanduar të padëshiruar ose të rrezikshëm, duke përfshirë këtu piratimin dhe marrjen nën kontroll të sinjalit të kontrollit dhe përdorimin e sistemeve mbrojtëse.
Kemi parë dhe plot përpjekje të tjera për heqjen e avionëve të telekomanduar. Departamenti i Policisë Metropolitane Tokio e trajtoi problemin e avionëve të telekomanduar duke përdorur një avion të telekomanduar që zotëron një rrjetë për të mposhtur avionët e tjerë të telekomanduar. Dhe një armë nga Battle e quajtur DroneDefender qëllon një rreze të padukshme e cila mund të mposhtë avionët e telekomanduar të vegjël.
Por tani për tani, beteja për qiellin tonë vazhdon…
