Kryetari i PD, Lulzim Basha i është përgjigjur pozitivisht ftesës së kryetarit të Kuvendit Ilir Meta për t’u takuar për reformën në drejtësi. Takimi do të zhvillohet nesër në orën 11:00 në ambientet e Hotel Rogner në kryeqytet. Kryeopozitari Basha pritet që të shoqërohet nga deputeti Oerd Bylykbashi.
Më herët Boldnews.al raportoi nga burime konfidenciale se kryedemokrati Lulzim Basha do t’i kthente përgjigje për takimin pasditen e sotme.
Ftesa e Ilir Metës për Bashën erdhi pas dështimit të bisedimeve mes kryeministrit Rama dhe kreut të opozitës Lulzim Basha.
