Policia e Shtetit ka prangosur 7 persona, pjesë e një bande të trafikut ndërkombëtar të drogës.
Operacion i koduar “QUARANTA” u shtri në disa rrethe, si Durrës, Fier dhe Vlorë, nën koordinimin e Prokurorisë pranë Gjykatës së Shkallës së Parë për Krime të Rënda Tiranë.
Sipas njoftimit të policisë, procedimi eshtë regjistruar pranë Prokurorisë për Krime të Rënda në shtator të vitit 2013. Ndërkohë që hetimi ka pasur një shtrirje kohore rreth tre vjeçare, edhe në Zvicer.
Të arrestuarit:
1. Petro (Abedin) KUCI, 47 vjeç, banues në Stiar, Delvinë. (Organizator)
2. Arben KANINA, 44 vjeç, banues në Delvinë. (Organizator)
3. Mirel ADEMI, 31 vjeç, banues në Delvinë. (Transportues)
4. Artur SHUKULLI, 42 vjeç, banues në Delvinë. (Transportues)
5. Donald (QOSJA) SHANDRO, 36 vjeç, banues në Lushnje. (Organizator)
6. Bledar MURATI, 29 vjeç, banues në Durrës. (Transportues)
7. Xhovan SARAÇI, 30 vjeç, banues në Durrës. (Transportues)
Këta persona dyshohet se, bashkë me disa të tjerë, në të paktën dy episode të ndryshme, kanë tentuar të trafikojnë në Itali rreth 85 kg lëndë narkotike kanabis, si edhe në Greqi rreth 670 kg lëndë narkotike, në vitin 2014. Në këto ngjarje janë përfshirë një numër i lartë personash, disa prej të cilëve janë arrestuar kohë më parë.
Droga e sekuestruar
85 kg e 900 gr lëndë narkotike e llojit kanabis sativa, në datën 05.10.2013, në Tiranë 135 kg lëndë narkotike e llojit kanabis sativa në datën 29.04.2014, në Sarandë, në Pyllin e Gështenjave në afersi te vendit të quajtur Bushnec. 60 gram lëndë narkotike e llojit Kokainë, në datën 06.06.2014, në Kavajë dhe Fier 6 kg e 900 gr lëndë narkotike e llojit Heroinë, gjatë viteve 2013 dhe 2014 në Zvicër. 5kg lëndë narkotike e llojit Kokainë, në Zvicër gjatë vitit 2014.
