Policia e Beratit ka zbuluar dhe ka asgjësuar 2000 rrënjë kanabis në kuadër të parandalimit të kultivimit të bimëve narkotike si dhe është arrestuar autori i kultivimit.
Agim Bashaj, 56 vjeç, banues në fshatin Çetë, Ura Vajgurore, është vënë në pranga pasi dyshohet të jetë autori i kultivimit të 2000 rrënjëve bimë narkotike kanabis sativa.
Bimët janë gjetur të kultivuara në kubikë në fshatin Çetë, në Pyllin e Teshilit, në një serë.
Gjithashtu pranë kësaj sere u gjet dhe një sipërfaqe e shpyllëzuar dhe e përgatitur për të mbjellë këto bimë.
Materialet i kaluan Prokurorisë së Rrethit Gjyqësor Berat, për veprën penale “Kultivimi i bimëve narkotike”
