Arkeologët në Jordani kanë bërë një zbulim të pabesueshëm në sitin e Trashëgimisë Botërore në Petra, njofton sot Ancient-Origins.
Një platformë masive ceremoniale prej 56 m dhe 49 m, e cila s’ka të ngjashme në qytetin e lashtë, u zbulua vetëm gjysëm milje larg nga qendra e qytetit, pasi u përdorën skanerat e teknologjisë së lartë.
The National Geographic njoftoi se zbulimi i bërë nga skanerat satelitorë me rezolucion të lartë, fotografitë ajrore me dronë dhe mbikqyrja e terrenit, identifikuan monumentin e lashtë që rrinte fshehur pothuajse në dritë.
Petra është një vend arkeologjik i mrekullueshëm në Jordani i njohur nga UNESCO për rëndësinë e tij të madhe historike dhe vlerën e jashtëzakonshme universale.
Ai është gjysëm i ndërtuar, gjysëm i gdhendur dhe është i rrethuar prej malesh me thepa dhe gryka dhe konsiderohet një nga vendet më të famshme arkeologjike të botës ku traditat e lashta lindore ndërthuren me arkitekturën helene.
