8200 rrënjë bimë narkotike kanabis sativa janë zbuluar dhe më pas asgjësuar nga policia e Kolonjës.
Sipas njoftimit të policisë bimët narkotike u zbuluan në fshatin Piskal dhe ishin mbjellë në kubikë me gota plastike. Lëndë narkotike u asgjesua me anë të djegies.
Ndërkohë edhe në Mallakastër u gjetën dhe asgjesuan 91 bimë kanabis të cilat ishin mbjellë në vazo plastike në fshatin Povël.
Gjithashtu, në afërsi të bimëve narkotike, u gjetën dhe u sekuestruan në cilësinë e provës materiale 180 fara të dyshuara të bimëve narkotike Cannabis Sativa. vegla pune, tesha, thikë sharrë. – dy aparate telefoni celular.
Në të dyja rastet e zbulimit të kanabisit, policia po punon për identifikimin dhe kapjen e kultivueseve.
