Policia në Kakavijë ka arrestuar një 26 vjeçar pasi u kap në flagrancë me 7 kg lëndë narkotike të dyshuar si “Canabis Sattiva”.
Në pranga u vu shtetasi Blerim Harrunaj, banues në Mallakastër, i cili udhëtonte bashkë me dy persona të tjerë dhe në çantë iu gjet kanabis.
Sipas njoftimit të policisë, shtetasi Blerim Harrunaj u kap në kufirin jeshil, në Piramdën nr. 28, me një çantë të zezë, në të cilën kishte 7 pako të mbështjella me natriban ku brenda të tyre kishte lëndë të dyshuar narkotike, me peshë totale 7 kg.
Gjithashtu po punohet për kapjen e dy shtetasve të tjerë të cilët ishin së bashku me shtetasin e mësipërm.
Materialet i kaluan Prokurorisë pranë Gjykatës së Shkallës së Parë për Krimet e Rënda Tiranë.
