Tetorin e kaluar, Wang nga një provincë në Kinë, u gëzua kur vendosi të martohej me të dashurën e tij, që e kishte njohur online.
Ata ishin njohur online dhe kishin vendosur që të martoheshin. Wang kurrë nuk e kishte menduar se vetëm tri ditë pas dasmës, nusja e tij do të zhdukej, duke marrë me vete dhuratat dhe gjërat e çmuara që vlenin mijëra euro.
Familja e Wang besonte se çifti i ri thjeshtë ishin grindur, kështu nuk e raportuan rastin në polici, bwri tw titur “Sina”.
Megjithatë, në të njëjtën kohë, një tjetër burrë kishte raportuar në polici, se kishte njohur një vajzë online, emri i së cilës ishte Miao Xiaomin. Vajza kishte përdorur metoda të ndryshme për ta bërë atë, që t’ia jepte asaj mijëra euro.
Policia ishte në gjendje që ta gjente vajzën në një internet kafe dhe ta arrestonte atë. Por, ata u hutuan pak kur shkuan atje, për shkak se i dyshuari ishte një burrë, që mbante kartë identiteti me emrin e njëjtë, Miao.
Policia më pas bastisën shtëpinë e tij dhe gjetën çfarë kishte bërë ai. Brenda në shtëpinë e tij ata gjetën fustane, funde, këpucë me take dhe veshje të brendshme të femrave dhe maska kozmetike, shkruan express.
Pas marrjes në pyetje, ai i tha policisë, se për vetëm një vit ia kishte arritur që t’i mashtronte më shumë se 11 meshkuj. Dhe duket se gruaja me të cilën u martua Wang, ishte po ky i njëjti, i cili e mashtroi atë dhe familjen e tij.
