Vetura, E-Class Estate 2017, do të lancohet më 6 korrik të këtij viti, ndërsa ka trupin e E-Class sedan e interierin krejtësisht të ndryshëm, me shumë tipare luksoze.
Video e publikuar nuk zbulon shumë veturën, por mund të shihet se ka mbrojtës më sportiv, një çati të pjerrët e të butë dhe dritat e pasme me dizajn të ri, transmeton koha.net.
Ky model i veçantë është më i lartë nga pas, ndërsa ka tapiceri lëkure premium ngjyrë druri të kombinuar me pjesë po ashtu druri, e me tavan panoramë nga xhami.
Mercedes është treguar shumë sekret në lidhje me këtë model, por pritet të dy lloje të motorëve për t’u zgjedhur, atë 2.0 litërsh me katër cilindra turbodiesel, i cili prodhon 192 kuaj fuqi, dhe atë me benzinë 2.0 litërsh me katër cilindra, që prodhon 241 kuaj fuqi.
Pritet që të ketë edhe modelin super të shpejtë E63 Estate, me motor 4.0 litra V8 me 571 kuaj fuqi.
