Kryeministri Edi Rama është shprehur sot se përpjekja për të kriminalizuar PS vjen nga mungesa e mundësive për t’u përballur me vizionin dhe programin e kësaj force politike. Duke folur gjatë Asamblesë së zgjeruar të Forumit të Gruas Socialiste, kryeministri Rama tha se “Kuvendi i sotëm nuk është i kriminelëve, pro ka numrin më të madh të grave e vajzave”.
“PS është me krenari partia e grave dhe vajzave shqiptare. Ka krijuar një hapësirë të madhe për pjesëmarrjen e tyre në politikë dhe vendimmarrje, duke imponuar si kusht që në çdo këshill bashkiak, përfaqësuesit e komuniteteve të jenë gra dhe vajza. Jam vërtet i bindur se duhet përsëritur fakti se PS udhëhoqi dhe vendosi bashkë me të tjerët që prania e grave në Kuvend të rritet në mënyrë të ndejshme. Sot kemi një Kuvend që nuk është i kriminelëve, por një kuvend me numrin më të madh të grave dhe vajzave në historinë e këtij vendi. Përpjekja për të kriminalizuar PS është e atyre që përballë PS janë të vegjël. Të vegjël në përmasë, alternative, në ide, në qytetari, dhe në raport me sfidat dhe problemet që ka vendi. Përpjekja për të kriminalizuar PS dhe për të drejtuar gishtin e akuzës, është përpjekja e atyre që të gtjiha shpresat për t’u përballur me forcën e vizionit, programit, lidershipit, i kanë varur tek më e pashpresa armë, kriminalizimi i çdo ideje të re, projekti të ri, vendimmarrje, reforme. Ndërkohë që ne jemi në një rrugë reformash që shprehin qartë për këdo që do të shohë e të dëgjojë, vendoshmërinë e PS për të qenë në lartësinë e historisë së saj, si partia që ka barrën të ndërtojë, rindërtorjë, pa pushim”, tha kryeministri Rama, shkruan Panorama.
