Duke se LSI ka mbetur në opozitë në Këshillin Bashkiak të Durrësit. Si asnjëherë më parë në këshillin bashkiak të Durrësit kanë munguar anëtarët që përfaqësojnë Lëvizjen Socialiste për Integrim në mbledhjen e radhës, ku nga 45 këshilltarë të pranishëm ishin 28. I gjithë grupi i LSi ka bojkotuar mbledhjen, pa dhënë asnjë arsye. Mbledhjen e Këshillit i e nderoi i vetmi përfaqësues nga LSI, sekretari i këshillit Armand Traga. Të pyetur për bojkotin në grup të LSI, as kreu i bashkisë e as kreu i Këshillit Bashkiak thanë se nuk kanë ndonjë kërkesë në veçanti nga ky grup, dhe nuk janë në dijeni të bojkotit të tyre, shkruan Balkanweb.
Këshilli Bashkiak i Durrësit miratoi nga 16 pika të rendit të ditës 15 prej tyre. PD kërkoi shtyrjen e diskutimit për projketvendimin e kalimit të 8 punonjësve nga Ndërrmarrja e Shërbimit Komunal tek Ndërrmarrja e Rrugëve.
Këshilli Bashkiak miratoi listën e përfituesve të banesave sociale, për 126 apartamente në lagjen numër 17. Po kështu i hapi dritë jeshile zonës së Kodër Vilës. U miratua fondi prej 4.9 milionë lekë për kryerjen e punimeve emergjente nga rrëshqitjet e dherave në Kodër Vilë. Këshilli miratoi sistemimin e tarifave për plazhet privatë në njësitë vendore në Durrës. subjektet në plazhin e Durrësit e në shkëmbin e Kavajës do të paguajnë 500 lekë për metër katror të zënë, ndërsa në Rrushkullë, Lalëz përkatësisht 100 e 200 lekë metri katror për plazhet privatë. Katër krerët e komuniteteve fetare në Shqipëri janë nderuar nga Këshilli Bashkiak në Durrës, me titujt “ Qytetar Nderi”.
Me kartona të PD e PS, këshilli pa asnjë debat e pa asnjë kërkesë miratoi dhënien e titujve vendor të nderit “Qytetar Nderi” për Haxhi Hafiz Sabri Koci, Kryetar i Komunitetit Mysliman të Shqipërisë, Fortlumturisë së Tij Prof. Dr. Anastasi, Kryeepiskop i Tiranës, Durrësit dhe gjithë Shqipërisë për baba Reshat Dede Bardhi, Kryegjysh i Kryegjyshatës Botërore të Bektashinjve, Për dhënien e titullit vendor të nderit “Qytetar Nderi” Shkëlqesisë së Tij Imzot Rrok Mirdita, Arkipeshkv Mitropolit i Arkidioqezës Tiranë Durrës. Por në mbledhjen e këshillit bashkiak asnjë prej përfaqësuesve të Klerit as vendor e as qendror nuk mori pjesë në këshillin bashkiak, të paktën për të falënderuar të zgjedhurit vendorë, për titujt e nderit.
