Ka nisur mbledhja e përbashkët e dy qeverive shqiptare, asaj të Kosovës dhe asaj të Shqipërisë. Dy kabinetet qeveritare janë takuar para Bibliotekës së Prishtinës dhe më pas mbledhja në tryezat blu, si flamuri i Kosovës është hapur nga pritësi, Kryeministri i Kosovës, Isa Mustafa.
Ai iu uroi mirëseardhje vëllazërore kabinetit të Shqipërisë, duke thënë se Kosova është shtëpia e tyre dhe duke shprehur dëshirën që takimet e tilla të jenë më të shpeshta.
Ai ka theksuar se takimi i sotëm është dëshmi se shtetet shqiptare po bëhen pjesë e një koncepti universal dhe euroatlantik.
“Jemi të vetëdijshëm për avantazhet po aq sa jemi të vetëdijshëm se ato do ti shfrytëzojnë për të mirë të qytetarëve. Thellimi i bashkëpunimit mes dy shteteve është në interes të qytetarëve. Ky është rast i mirë të falënderoj qeverinë, kryeministrin, institucionet dhe qytetarët për mbështetjen vëllazërore që kemi pasur nga ju gjatë të gjitha proceseve që kemi kaluar’, ka thënë Mustafa.
Ai ka shtuar se Shqipëria po forcon identitetin e Kosovës dhe se dy qeveritë kanë përgjegjësi të përkujdesen për fatin e shqiptarëve edhe jashtë vendit.
“Kemi nënshkruar MSA, u pranuam në UEFA e FIFA, morëm rekomandim pozitiv për viza, dhe jemi të vetëdijshëm se këto të arritura janë edhe meritë e shtetit mik shqiptar. Kemi bërë progres mbi implementimn e marrëveshjeve të nënshkruara në Prizren e Tiranë”, ka thënë tutje Mustafa.
Sot mbledhja e përbashkët e dy qeverive në Prishtinë, ja axhenda
