Lionel Messi i është përgjigur sot thirrjes së Gjykatës së barcelonës dhe ka shkuar pranë trupit gjykues si palë nën hetim për çështjen e evazionit fiskal dhe fshehjes së pasurisë. Messi është para qitur në gjyq sëbashku me babaine tij dhe avokatët mbrojtës.
Ylli i Barcelonës po gjykohet për fshehje dhe mos deklarim të pasurisë me një vlerë prej 4.1 milion eurosh.
Mesi dhe babai i tij Jorge Horacio Messi rrezikojnë dy vjet burg nëse shpallen fajtorë për mashtrim të autoritetit tatimor të Spanjës. Megjithatë gjasat që Mesi të përfundojë pas hekurave janë të pakta, pasi dënimi i tij mund të jetë me gjobë dhe jo me burg.
28 vjeçari ka thënë se nuk ka qenë në dijeni se çfarë po nënshkruante, pasi asnjëherë nuk e ka pyetur babain e tij.
“Nuk kam ditur se çfarë po ndodh. I kam besuar babait tim dhe avokatit për çdo gjë”, ka thënë Leo Messi.
“Asnjëherë nuk kam menduar për këto gjëra, vetëm kam nënshkruar por askush nuk më ka shpejguar asgjë për çka po bëhet fjalë”, ka shtuar Messi.
