“Le të shkojë në parti dhe ta ndajë atje nëse është socialist njëri apo tjetri. Nëse ja ndalon partia le të iki dhe në anëtarësi, nëse s’do të kuptojë kush është PS, jua them unë. Është ligji mbi partinë”. Kjo është përgjigjia e deputeti të PS-së, Erjon Braçe për Ben Blushin.
Kjo vjen pasi Ben Blushi tha se nuk e ndjen veten socialistë nëse mbështeten modele të tilla si rasti i ish-kryebashkiakut Elvis Rroshi, të dënuar në Itali për përdhunim.
Nga salla e Kuvendit të Shqipërisë, Braçe tha se nëse deputeti ka shqetësime të tilla, atë herë t’i paraqesë në parti, por jo gjatë seancës plenare duke devijuar rendin e ditës.
“Në kohën e PD, ka pasur keqbërës, por janë mbrojtur nga partia, ka ndodhur pa fund, ndaj ndodhet ende këtu Sali Berisha dhe ministrat e tij, kanë vrarë mu në mes të bulevardit. I thoni përdhunues apo vrasës për mua e njëjta histori është”, tha Braçe.
