Eraldo Kollovi, basketbollisti i ekipit “Flamurtari” u plagos me thikë nga një shoku i tij i klasës para 1 muaji.
Prokuroria e Vlorës ka konstatuar parregullsi dhe mospërputhje të elementeve të ngjarjes, duke përfshirë dhe raportin mjekoligjor, që e ka cilësuar plagosjen e Eraldos “plagosje të lehtë”, edhe pse është qëlluar dy herë më thikë dhe i janë dëmtuar organet e brendshme të trupit. Autori i plagosjes nisur nga dosja e policisë u la i lirë Rei Kapllani së bashku me bashkëpunëtorin e tij. Nisur nga kjo Prokuroria e Vlorës u kërkon mjekëve ligjorë në Tiranë për të kryer ekspertizën.
18¬-vjeçarit Eraldo Kollovi, u plagos me thikë nga bashkëmoshatari i tij për motive të dobëta.
Por, Eraldo Kollovi, banor i fshatit Babicë të Vlorës, ka denoncuar në media policinë për mosarrestimin e autorit, ndonëse sipas mjekëve të spitalit, Kollovi pati 3 plagë që i rrezikuan organet jetësore dhe iu nënshtrua dy ndërhyrjeve kirurgjikale për ta shpëtuar nga vdekja.
Sipas dëshmisë së dhënë nga basketbollisti, edhe pse goditja me thikë i rrezikoi jetën, drejtësia e la të lirë autorin 19¬-vjeçar dhe bashkëpunëtorin e tij.
Të pyetur për këtë rast, burime nga Prokuroria e Vlorës thanë për gazetën se fillimisht dosja është referuar në këtë institucion nga ana e policisë së qarkut.
Sipas të dhënave të Policisë, ku ishte dhe ekspertiza mjekoligjore, i lënduari ishte plagosur lehtë dhe në këto rrethana ndaj autorit 19¬ vjeçar nis hetimi në gjendje të lirë. Por, pas denoncimit publik që bëri sportisti, organi i Akuzës ka kërkuar të dhëna të tjera nga policia.
Vetë prokuroria ka bërë këqyrjen e të dëmtuarit, i cili u rimor në pyetje për ngjarjen. Po ashtu, pas shqyrtimit të dosjes, prokuroria ka rikthyer për riekspertim të ngjarjes nga policia dhe grupi hetimor së bashku, duke konstatuar se në dosje kishte parregullsi dhe mospërputhje të elementeve të ngjarjes, duke përfshirë dhe raportin mjekoligjor, që e ka cilësuar plagosjen e Eraldos “plagosje të lehtë”, edhe pse është qëlluar dy herë më thikë dhe i janë dëmtuar organet e brendshme të trupit.
Edhe nga ekspertiza e dytë, e kryer në Vlorë, rezultati ka qenë “plagosje e lehtë”.
Bazuar në pretendimet e 18¬-vjeçarit dhe të dhënave se ai jo vetëm ka rrezikuar jetën, por dhe shkollën dhe karrierën sportive.
Prokuroria e Vlorës për herë të tretë ka kërkuar zyrtarisht kryerjen e ekspertizës mjeko-ligjore për basketbollistin, këtë herë në Tiranë.
Nisur nga fakti se bëhet fjalë për ekspertizën e tretë për këtë ngjarje, sipas ligjit, raporti duhet të formulohet nga 3 ekspertë. Deri tani nuk është kthyer ende një përgjigje nga Instituti i Mjekësisë Ligjore në Tiranë, i cili do të vendosë për këtë çështje.
