Partia Socialiste do i kërkojë Prokurorisë së Përgjithshme të verifikojë formularin e vetëdeklarimit të deputetit demokrat Flamur Noka.
Lajmi konfirmohet për News24 nga deputeti socialist Taulant Balla i cili pohon se aktualisht janë duke u mbledhur firmat e deputetëve për t’i kërkuar prokurorisë të verifikojë të dhënat e formularit të vetëdeklarimit të Nokës.
Sipas PS, Noka ka fshehur të dhënat në formular, duke mos deklaruar ndalimin e tij nga policia jugosllave.
“Jemi duke mbledhur firmat e deputeteve. Të verifikohen të dhënat e formularit të Flamur Nokës. Noka fshehu të dhënat në formular. Kërkesa mund të dorëzohet nesër. Nokës i është vendosur një masë sigurie personale dhe është dëbuar nga një shtet i huaj”, ka thënë Balla.
