Gjatë një ceremonie të mbajtur në Vatikan, për të promovuar punën e fondacionit “Scholas”, Papa Françesku ka nderuar me medalje aktorët amerikanë George Clooney, Richard Gere dhe Salma Hayek.
Clooney mori pjesë në këtë evenimet së bashku me gruan e tij juriste, Amal.
Fondacioni, emri i të cilit në spanjisht do të thotë “shkolla që takohen” lidh teknologjinë me artin, me qëllim integrimin social dhe kulturor të paqes.
Papa Françesku kishte krijuar një organizatë të ngjashme, kur ai ishte kardinal Jorge Bergoglio në Buenos Aires, por “Scholas” tashmë u bë një fondacion ndërkombëtar që kapërceu Vatikanin.
“Vlerat e rëndësishme mund të transmetohen nga të famshmit”,- tha një prej organizatoreve, Lorena Bianchetti, duke shtuar se aktorët kishin rënë dakord për të qënë ambasadorë për një prej projekteve artistike të fondacionit.
