Vajza 17 vjeçare e cila u largua nga shtëpia e saj pa lejen e prindërve me të dashurin e saj që kishte njohur në Facebook është vetdorëzuar në policinë e Sarandës.
Vajza minorene u zhduk nga banesa 13 ditë më parë.
Më herët, policia e Durrësit kishte ngritur dyshimin, pas gjetjes së letrës së vajzës 16 vjeçare e cila u largua nga shtëpia e saj me të dashurin që e kishte njohur në Facebook, se mund të jetë larguar në jug të vendit. Sipas policisë është bërë e mundur identifikimi i personit me të cilin është larguar Gazije Kazija, ndërsa ka dërguar agjentë të posaçëm në dy qytetet bregdetare: Sarandë dhe Vlor.
Adoleshentja u largua në mesnatën e 17 majit nga banesa, pasi nëna me 2 fëmijët e tjerë kishin fjetur. Në momentin që ka lënë shtëpinë, 16¬ vjeçarja kishte shkruar se po ikte me të dashurin që e kishte njohur në “Facebook”. Personi në fjalë dyshohet të jetë një banor i zonës (djalë mbi 20 vjeç), por për arsye hetimore, policia nuk jep identitetin e tij dhe vijon kërkimet në qytete të ndryshme të vendit, ndërsa janë lajmëruar komisariatet e policive në rrethe dhe pikat kufitare.
