Thonë se dashuria nuk njeh moshë, por sipas një gruaje në Kaliforni ajo njeh përmasa. Benjamin Montanez është lënë nga gruaja e tij pasi ai ishte shumë i shëndoshë për t’u dashur prej saj. Kjo nuk ka qenë e lehtë për të, por se ka lënë me kaq.
33-vjeçari nga Kalifornia i ka përgatitur një hakmarrje të ëmbël ish-bashkëshortes së tij, duke humbur 45 kilogramë. Benjamini kishte pasur diskutime të shumta me gruan rreth peshës së tij.
Ai thotë se pesha e tij e bënte jo tërheqës për gruan dhe se ajo as që nuk donte ta mendonte se sa e shëmtuar ishte të kryeje marrëdhënie me këtë njeri.
Të gjitha këto kanë qenë një shtysë e mjaftueshme që Ben të transformonte veten. Me shumë sakrifica dhe lodhje ai ka mundur të shndërrohet në një mashkull simpatik dhe të palestruar që do t’i pëlqente çdo gruaje.
