Pesë automjete janë përfshirë në një aksident të ndodhur sot në autostradën Tiranë-Durrës.
Disa persona kanë mbetur të plagosur si dhe raportohet për dëme materiale.
Burime zyrtare nga policia bëjnë me dije se në aksident janë përfshirë tre automjete me targa shqiptare dhe 2 me targa kosovare. Të plagosurit janë dërguar me urgjencë drejt spitalit, ndërsa numri i saktë i tyre nuk bëhet i ditur.
Policia ka mbërritur në vendngjarje dhe po punohet për zbardhjen e ngjarjes.
