16-vjeçare nga Sukthi, Gazie Kazija, nxënëse e vitit të parë në gjimnaz rezulton e zhdukur që prej datës 17 maj.
Ajo kishte lënë një letër në shtëpinë e saj. Ende nuk është zbuluar vendndodhja e saj. “Po iki me të dashurin që kam njohur në Facebook”, mësohet të ketë shkruar në letrën e saj adoleshentja.
Vajza u largua në mesnatë, teksa familja e saj ishte në gjumë. Ajo kishte marrë një taksi, e cila e kishte transportuar deri në zonën e plazhit të Durrësit, së bashku me një djalë. Taksisti, një mik i familjes, tha se ai nuk e njihte djalin që ishte në taksi. Familja dyshon se taksisti ka dijeni se ku gjendet vajza. E ëma ka shprehur frikë se vajza mund të trafikohet.
Familja e saj nuk ka asnjë kontakt me të pasi edhe celularin, të vetmin send që ajo kishte me vete, e ka të fikur.
Mamaja e 16 – vjeçares hedh dyshime se vajzën ia kanë rrëmbyer dhe në të njëjtën kohë, akuzon Policinë e Durrësit se nuk po bën sa duhet për t’i gjetur të bijën.
Fotografia e vajzës është shpërndarë në të gjitha rajonet e policisë, por ende nuk kanë asnjë gjurmë të saj.
Më herët nëna e 16-vjeçares ka edhe një apel për të bijën. “Mami dhe babi falin çdo gabim që ti ke bërë, vetëm të lutem kthehu”.
