Një 16-vjeçare nga Sukthi, Gazie Kazija, nxënëse e vitit të parë në gjimnaz është zhdukur prej datës 17 maj.
Familja e saj nuk ka asnjë kontakt me të pasi edhe celularin, të vetmin send që ajo kishte me vete, e ka të fikur.
Mamaja e 16 – vjeçares hedh dyshime se vajzën ia kanë rrëmbyer dhe në të njëjtën kohë, akuzon Policinë e Durrësit se nuk po bën sa duhet për t’i gjetur të bijën. E kontaktuar nga Televizioni Klan, Policia e Durrësit sqaroi se po bëhen kërkime në të gjithë vendin.
Fotografia e vajzës është shpërndarë në të gjitha rajonet e policisë, por ende nuk kanë asnjë gjurmë të saj.
Ndërkaq, nëna e 16-vjeçares ka edhe një apel për të bijën. “Mami dhe babi falin çdo gabim që ti ke bërë, vetëm të lutem kthehu”.
