Ekspozimi ndaj frekuencave të aparatëve celularë rrit rastet e prekjes nga kanceri, në minjtë meshkuj. Sipas një studimi të madh amerikan që zgjati dy vjet “National Toxicology Program”, flasin me shqetësm veçanërisht për glioman, një lloj i kancerit të trurit, dhe Schwannomas (neuriroma, tumore beninje) që gjetën gjatë studimit.
Studimi, i cili kushtoi 25 milion dollarë, është kryer në më shumë se 2.500 minj të ekspozuar ndaj sasive të ndryshme të radio frekuencave në 21 dhoma të projektuara posaçërisht.
Raporti i plotë, i cili është kontrolluar dhe verifikuar nga autoritete të pavarura, do të publikohet vitin e ardhshëm.
“Studimi gjeti një incidencë të ulët të gliomas malinje në tru dhe schëannomas në zemër të minjve meshkuj të ekspozuar nga valëve të celularëve”, shkruajnë ekspertët.
Duke pasur parasysh përdorimin e gjerë në të gjitha moshat të celularit “ekspozimi mund të ketë pasoja të mëdha për shëndetin publik”.
Tema e lidhjes midis telefonave celularë dhe kancerit është debatuar shumë. Organizata Botërore e Shëndetësisë e ka klasifikuar radiofrekuencën 2G në grupin e “mundësisht kancerogjene”, por disa hulumtimeve epidemiologjike, e fundit prej të cilave e publikuar pak ditë më parë dhe e kryer në Australi, ka përjashtuar lidhjet.
