Deputeti i Partisë Socialiste, Sadri Abazi, ka aksidentuar një fëmijë në Shkozet.
Ngjarja ka ndodhur rreth mesditës. Abazi e ka goditur fëmijën teska po udhëtonte me makinën e tij tip Range Rover me targa AA 907 MB, në një rrugë dytësore. Fëmija i plagosur ka përfunduar në spital ku ka marrë ndihmën e nevojshme mjekësore. Mësohet se fëmija ka marrë plagë në këmbë dhe në duar.
Aksidenti ka ndodhur paraditen e sotme, në afërsi të lagjes numër 13 dhe konfirmohet zyrtarisht nga burime të policisë lokale.
Sipas tyre, vetë deputeti ka qenë në timonin e automjetit AA 907 MB, tip “Range Rover”, në momentin kur ka përplasur fëmijën 7vjeçar.
Nga hetimet e para, gjithnjë sipas policisë, deputeti nuk ka qenë me shpejtësi dhe ka qenë fëmija që i pa prerë rrugën.
I kontaktuar nga panorama.al Abazi tha se “une nuk isha me shpejtesi kur po udhetoja, femija u perplas me makinen dhe jo e kunderta. Por femija nuk pesoi asgje”.
