Policia e Durrësit ka vënë në pranga një 57¬vjeçar pasi ka kundërshtuar t’i nënshtrohet testit të alkoolit dhe ka goditur punonjësit e policisë rrugore.
Ilirjan Helmasi, punonjës i Burgut të Fierit, në vendin e quajtur “rrethrrotullimi i Universiteti” duke drejtuar një mjet tip ‘Renault’ është përplasur me një ‘Mercedez Benz’. Pas aksidentit, Helmasi ka kundërshtuar forcat e policisë duke i goditur ata pasi refuzoi t’i nënshtrohet testit të alkoolit.
Pasi është shoqëruar në Komisariatin e Policisë Durrës, ka rezultuar se 57¬vjeçari kishte konsumuar alkool në masën 0.75 mg/l.
