Ish-kryekomunari i Bërzhitës, Genci Drita ka kërkuar lirinë nga burgu pasi pretendon se është me sëmundje të rëndë në rrugët respiratore.
Drita ka paraqitur një raport mjekësor ku thotë se ka problem të rënda në aparatin e frymëmarrjes.
Ky raport mjekësor po analizohet nga tre ekspertët e mjekësisë ligjore, Admir Sinamati, Zija Ismaili dhe Fatos Sinani. Këta të fundit më datë 6 qershor do të depozitojnë raportin nëse është e vërtetë se Drita është i sëmurë. Mësohet se Gjykata është në pritje të të ekspertizës së mjekëve për dhënien së një vendimi.
Ish-Kreu i Bashkisë së Berzhitës është dënuar për korrupsion. Ai u dënua pasi së bashku me ish-përgjegjësin e Taksave në Komunë, Armand Burri, i kanë marrë 4 mijë e 500 euro një shtetasi në këmbim të dhënies së lejes së përdorimit të një hapësire publike në territorin e kësaj njësie vendore.
