Policia e Vlorës ka mundur të arrestoj në flagrancë 5 persona mes tyre një efektiv policie pasi transportonin 25 kg e 630 gr, të llojit “Cannabis sativa”.
Arrestimi i tyre u bë dhe falë bashkëpunimit të policisë me seksionin për Hetimin e Narkotikëve dhe Sektorin e Shërbimeve për Çështjet e Brendshme dhe Ankesat (SHÇBA), në bazë të informacioneve të marra në rrugë operative. Në pranga u vunë shtetasit:
1 Hasan Hysenaj, 47 vjeç, lindur në fshatin Sevaster dhe banues në Vlorë (me detyrë: Trup Shërbimi në Stacionin e Policisë Kufitare Dhërmi (Drejtoria Vendore e Policisë Kufitare dhe Migracionit – Vlorë)
2 G. H., 18 vjeç, lindur dhe banues në fshatin Sevaster.
3 Ferdbent Hoxha, 66 vjeç, lindur dhe banues ne lagjen “28 Nëntori” Vlorë.
4 Emiljano Lazaj, 29 vjeç, lindur dhe banues në fshatin Shkozë – Vlorë.
5 Mjaftim Jonuzaj, 46 vjeç, lindur në fshatin Sevaster dhe banues në lagjen “4 Heronjtë” Vlorë.
Arrestimi i këtyre shtetasve u bë nga Shërbimet e Policisë së Vlorës, pasi u kapën në flagrancë në rrugën nacionale në afërsi të fshatit Babicë – Vlorë, duke udhëtuar me automjetin tip “Ford Focus” me targë: AA415GL, në pronësi të shtetasit: Hasan Hysenaj.
Gjatë kontrollit të ushtruar në këtë automjet, Shërbimet e Policisë kanë gjetur të fshehur në mjet, një sasi me lëndë narkotike prej 25 kg e 630 gr, të llojit “Cannabis sattiva”, e cila ishte sistemuar dhe e ndarë në 6 thasë plastikë të zinj, fshehur në bagazhin e këtij mjeti, me qëllim trasportin dhe shitjen e saj.
