Një ish-zyrtar i Hipotekës në Lushnjë dhe pronari i pikës turistike “Ardenicë” janë vënë në pranga pasi akuzohen për zaptimin e një prone shtetërore.
Sipas të dhënave zyrtare është finalizuar operacioni policor “Prona” në sajë të të cilit janë arrestuar shtetasit:
– Bledar Koçiu, 36 vjeç, banues në lagjen “Loni Dhamo”, me detyrë ish-regjistrues i Z.V.R.P.P Lushnje,
– Aben Lushi, 51 vjeç, banues në Kolonjë, pronar i pikës turistike ‘Ardenicë’,
për të cilët gjykata dha masën e sigurisë ‘Arrest me burg’.
Ata akuzohen për veprat penale “Korrupsioni pasiv i personave që ushtrojnë funksione publike”, “Shpërdorimi i detyrës“, “Ushtrim i ndikimit të paligjshëm ndaj personave që ushtrojnë funksione publike”, “Falsifikim i dokumenteve”.
Po ashtu, togat e zeza caktuan “Ndalim i daljes jashtë shtetit” për 32-vjeçarin me iniciale E.RR., me detyrë ish-hartograf pranë Z.V.R.P.P Lushnjë, ndërsa u shpall në kërkim 52-vjeçari me iniciale S.K, me detyrë jurist pranë Z.V.R.P.P Lushnjë.
Këta persona në bashkëpunim me njëri tjetrin akuzohen se kanë dhënë në kundërshtim me ligjin një pronë shtetërore me sipërfaqe 6300 metër katror pyll, në të cilën është ndërtuar pikë turistike, Arben Lushi duke e pajisur me certifikatë pronësie.
