Policia greke ka identifikuar një person si autor të vrasjes makabre të 26-vjeçarit shqiptar në Igumenicë të Greqisë disa ditë më parë. Sipas mediave greke, i dyshuari për vrasjen e shqiptarit është një bari nga fshati i Janinës, por nuk bëhet i ditur identiteti i tij për shkak të hetimeve të cilat janë në zhvillim, shkruan portali Jeta osh qef.
Bariu me origjinë shqiptare thuhet se ka bashkëpunuar me dy persona të tjerë për vrasjen e Bledar Terpollarit, të riut nga Skrapari që thuhej se përdorej për transportin e drogës. Motivet dhe arsyet thuhen se janë pikërisht për çështje droge.
Kjo është pista më e fundit megjithëse nuk ka asgjë zyrtare për një konfirmim të plotë. 26-vjeçari shqiptar që u qëllua me një plumb dhe më pas iu pre koka, ka qenë i dënuar më parë për vjedhje në Shqipëri.
