Kryetari i PD Lulzim Basha dhe deputeti i PS Pandeli Majko zhvilluan sot një takim rreth 40 minuta në ambientet e ‘Rogner’, një takim surprizë që ngjalli tepër interes. Pas përfundimit të diskutimeve, Basha dhe Majko thanë për gazetarët edhe arsyen e takimit mes tyre.
“Respektoj z.Majko për kontributin e tij ndër vite dhe shpresoj që komunikimi politik normal mos të përbëjë lajm në Shqipëri. Tema kryesore e diskutimit ishte Asamblea e NATO”, tha kryedemokrati Basha pas takimit.
