Policia kufitare në Kapshticë ka arrestuar një 30 vjeçar nga Lushnja dhe një femër që e shoqëronte, e cila po procedohet penalisht në gjendje të lirë, pasi në mjetin me të cilin udhëtonin u gjet 20 kg kanabis.
Sipas policisë në pranga u vu shtetasi Renis Kasapi, 32 vjeç, banues në fshatin Karbunar, të rrethit Lushnjë dhe filloi procedimi penal në gjendje të lirë ndaj shtetases S.C, 21 vjeç, banuese në Kombinat, Tiranë. Gjatë kontrollit të detajuar nga Policia Kufitare, përfshi edhe procesin e skanimit të kryer nga Dogana, në automjetin tip “Mercedes¬Benz”, me targa AA 049 NF, që drejtohej nga shtetasi Renis Kasapi, në shasi, në një vend të përshtatur janë gjetur dhe sekuestruar në cilësinë e provës materiale: 40 (dyzetë) pako të mbështjella me natriban me një peshë 20 Kg lëndë narkotike e presuar e dyshuar si kanabis”¬ njofton policia.
“Shërbimet e Policisë Kufitate në vijën e dytë kanë përzgjedhur për kontroll të detajuar një automjet pasi kanë krijuar dyshime për trafik të lëndëve narkotike.
Gjithashtu u sekuestruan 3 aparate celular, shuma prej 1150 Euro si edhe automjeti ku u gjet lënda narkotike.
