Në mbledhjen e Komisionit të Sigurisë, ditën e sotme, në qëndër të debateve më të shumta ka qenë skandali i përgjimeve, të cilin e solli në vëmendje Flamur Noka.
Ky i fundit tha se paraditen e nesërme kërkon nga kryeprokurori Llalla, Ministri i Brendshëm Tahiri dhe Drejtori i Policisë Çako një informacion lidhur me pajisjen e përgjimeve.
Po ashtu edhe Asllan Dogjani ka kërkuar informacione për paisjen e përgjimit. Ndërsa deputeti i LSI-së Luan Rama është shprehur se nëse vërtetohet se pajisja është vendosur pa leje, kjo do të ishte një shkelje e rëndë. “Nuk besoj se kane lajthitur drejtuesit e institucioneve e ta kenq vendosur këtë pajisje. Do ishte skandal i stitucional,” ka thënë Rama. duke shtuar se nëse ky shqetësim ka shkuar tek presidenti i Republikës atëherë duhet të nis një hetim.
Ja një pjesë e debatit në komision
Lutaj: Nuk mund të vijnë autoritet shtetërore pasi ka një hetim prokurorie për këtë.
Luan Rama: Shqetësimi ka ardhur nga mediat. S`kemi asnjë njoftim zyrtar. A është ngritur ky shqetësim tek Presidenti i republikës? Po u verifikua qe ka shkuar te presidenti shqetësimi, te nisi hetimi. Nese vërtetohet se pajisja është vendosur pa leje, do ishte shkelje e rëndë. Ka implikim shume institucionesh,që nga dogana deri te institucioni që e ka vendosur
Sterkaj: Po e bëni fakt që ka pajisje?
Noka: Ështe fakt
Rama: Nuk besoj se kane lajthitur drejtuesit e institucionit e ta kenë vendosur këtë pajisje. Do ishte skandal i stitucional
Sterkaj: Nese çështja është në hetim nuk kemi të drejte te thërrasim Llallen.
Qefalia: Ju e keni burimin e informacionit shumd te qarte. Pajisja mund te jete vendosur dhe ne institucione te tjera.
Maxhoranca: T’i cojme shkrese SHIK-ut a ka info apo jo.
Rama: Nëse Lutaj e di qe çështja po hetohet nga prokuroria i bie qe është e vërtetë.
Rama: Po ta kishte nxjerre Berisha do e besoja. Leter SHISH nëse ka informuar presidentin. Leter Llalles nëse ka nisur hetim. Me pas te vijojmë me raportimet e institucioneve
Noka: Nuk mjaftojne letrat, te vijne te raportojne
Rama: Te therrasim Ajazin fillimisht. Nese ai e mohon, ndërpresim raportimet e tjera.
Lutaj-Nokës: Ose na sill info te sakte ose mblidh firmat e 1/3 te anetarit te komisionit qe te vijne te raportojne.
Ndërkohë në mbledhjen e nesërme të komisionit, pritet të raportojë Ministri i Brendshëm Saimir Tahiri, kryeprokurori Adriatik Llalla, kreu i Policisë së Shtetiti Haki Çako dhe kreu i SHISH, Visho Ajazi Lika.
Përpara anëtarëve të Komisionit të Sigurisë, po raporton për një çështje tjetër drejtori i Drejtorisë së Informacionit të Klasifikuar. Në rend të ditës në komision ëhstë shqyrtim i Projektligjit “Për ratifikimin e marrëveshjes, ndërmjet Këshillit të Ministrave të Republikës së Shqipërisë dhe Bashkimit Evropian, për procedurat e sigurisë për shkëmbimin dhe mbrojtjen e informacionit të klasifikuar”.
