“Gjendemi përpara një mine të madhe paligjshmërie, transparenca për këtë skandal politik kriminal është emergjencë shoqërore, morale, për gjithë spektrin, politik, mediatik dhe shoqëror të vendit, shqiptarët kanë nevojë të mësojnë një orë e më parë të vërtetën”.
Kështu u shpreh kreu i Partisë Demokratike, Lulzim Bashan ë një deklaratë lidhur me pajisjen e përgjimit.
Ashtu siç opozita po prentendon nëpërmjet kësaj pajisje po përgjohen, politikanë, ambasadorë dhe gazetarë. Ai deklaroi sot nga selia blu, se ndërsa policia e ka pranuar se ka një pajisje të tillë, Edi Rama dhe Saimir Tahiri heshtin, se janë ata urdhëruesit e përdorimit të kësaj pajisje kriminale. Kreu i opozitës tha se pajisja është futur në Shqipëri pa u regjistruar dhe pa marrë lejen e Prokurorisë, njëlloj siç tha ai, veprojnë organizatat kriminale dhe përgjegjësitë për të shkojnë drejtpërdrejtë te Kryeministri Rama. “Që nga dita kur skandali u bë publik, Rama nuk ka thënë asnjë fjalë të vetme, duke e bërë edhe më të bësueshëm se ky krim ka ndodhur nën dijeninë e tij”, u shpreh Basha. Ai bëri me dije se Partia Demokratike ka kërkuar në dëgjesë urgjente në Komisionin e Sigurisë me ministrin e Brendshëm, drejtorin e Policisë së Shtetit, kreun e Shërbimit Informativ Shtetëror dhe Prokurorin e Përgjithshëm për të hedhur dritë mbi ngjarjen dhe për të nxjerrë përgjegjësitë shtetërore. Basha deklaroi se mbi të gjitha përgjegjësitë qëndron ajo e Edi Ramës. Sipas kreut të PD, Edi Rama duhet dhe do të mbajë përgjegjësi për krimin, për shpërdorim flagrant të detyrës, të një shteti mafioz mbi shtetin, që nënkupton asgjësimin e Republikës.
