Partia Demokratike deklaroi, me anë të zëdhënëses Ina Zhupa, se korrupsioni në Shqipëri është i pranishëm dhe pasojat e tij po ndihen tek çdo qytetar.
Ky fakt sipas zëdhënëses së PD, është o publikuar në studimet ndërkombëtare ku tregojnë gjendjen e mjeruar të vendit.
“Studimi i fundit i Southeast Europe Leadership for Development and Integrity mbi korrupsionin në Shqipëri për vitin 2016 tregon se numri i qytetarëve që pranojnë se ju është dashur të paguajnë rryshfet për të marrë shërbimin që ju takon u rrit me 5 % krahasura me vitin paraardhës. Plot 49.6 % apo 1 në çdo 2 qytetarë janë detyruar të japin rryshfet në këmbim të marrjes së shërbimeve të detyrueshme falas në zyrat e shtetit. Këto të dhëna demostrojnë vetëm njërën anë të përkeqësimit të situtatës së korrupsionit në Shqipëri, sepse siç deklaron raporti vjetor i Departamentit Amerikan i shtetit korrupsioni është i kudogjendur. Në dy vjet 2.2 miliardë euro u janë vjedhur shqiptarëve nga doganat, tatimet, tenderat, koncesionet, CEZ, OSHEE etj.” tha Zhupa.
Sipas saj korrupsioni është shkaktari kryesor i krizës ekonomike, përkeqësimit të klimës së biznesit dhe papunësisë.
“Ndërsa papunësia dhe varferia rriten, qeveria ka harxhuar në mënyrë korruptive rreth 90 milion euro për luks, karburant, bileta avioni e makina. Vetëm me këto para do të ishin punësuar të pakten 14 mijë shqiptarë për një vit me rrogën 500 dollarë në muaj ose do të kishin marrë ndihmën e plotë ekonomike prej 68 mijë lekë të vjetra në muaj, plot 109 mijë familje.Korrupsioni është shkaktari kryesor që vendi ndodhet në krizë totale ekonomike, në varfëri, në papunësi, në pamundësi për të mbyllur muajin. Korrupsioni është arsyeja që 46% shqiptarëve siç e shfaqin edhe statistikat e fundit të Bankës Botërore, jetojnë në varfëri me vetëm 5 dollarë për familje ne ditë. Korrupsioni është një nga arsyet kryesore të përkeqësimit të klimës së biznesit, largimit të investitorëve të huaj dhe mbylljes së mijëra vendeve të punës.Ky raport është një tjetër dëshmi tronditëse në pak javë për korrupsionin e ngritur në sistem nga qeveria Rama, përmes vjedhjes dhe abuzimit me taksat dhe pasuritë e shqiptarëve dhe rryshfetit të shumëfishuar në çdo zyrë publike dhe shtetërore,” u shpreh zëdhënësja.
