Mediat greke publikojnë të tjera detaje nga vrasja e 26-vjeçarit shqiptari Bledar Tërpollari, i cili u gjet me kokë të prerë pak ditë më parë.
Ato kanë publikuar foto të tij si dhe video nga vendi ku banonte shqiptari. Mediat greke hedhin dyshime se vrasja e tij mund të jetë kryer edhe nga shtetas grekë. Kufoma pa kohë u gjet mëngjesin e së hënës, 9 maj nga një fermer që e kishte punësuar prej dy muajsh shqiptarin.
Vrasja brutale e të riut në Potamia të Komunës së Sulit, Thesprotia ka shkaktuar jehonë tek komuniteti lokal.
Duke cituar median shqiptare, mediat greke shkruajnë për nënën e viktimës, e cila kërkon zbardhjen e ngjarjes, duke theksuar se i biri kishte shkuar në moshë të re në emigracion.
Sipas medieve vendase, i riu Tërpollari është arrestuar në Shqipëri për posedim droge dhe me t’u liruar ka shkuar në Greqi. Edhe zbulimi i tablateve telefonike nuk ka dhënë prova për vrasjen makabre.
