Sipas një studimi të kohëve të fundit një nga arsyet më të shpeshta që ndikon negativisht e që çon në divorcin e çifteve të martuara është “futja e hundëve” nga ana e prindërve.
Por kur jeni përballë një historie të re dashurie ekspertët paralajmërojnë që të mos bëni gabimet e vjetra.
1. Ti je ti…dhe unë jam unë. Nëse të gjithë nisim të zgjidhim jetën tonë në vend që të përpiqemi të zgjidhim jetën e të tjerëve (pa sukses) do të jemi të lumtur…më pak të pushtuar nga ndjenja e të qenit të dobishëm për partnerët. Le ta rregullojë vetë jetën e tij, vetëm ai mund ta bëjë këtë!
2. “Me karta mbi tryezë”. Këtë herë jini të sinqertë. Bëjani të qartë njëri-tjetrit se si ju mendoni për gjëra të caktuara. Fshehja nuk i përmirëson gjërat. Qartësia dhe sinqeriteti do t’ju ndihmojnë, jo strehimi në zemërim dhe pakënaqësi. Por gjithçka duhet bërë natyrisht me takt.
3. Respekti. Respekto të metat e tij, gabimet, keqkuptimet, secili prej nesh mbart plagë që të tjerët nuk mund t’i imagjinojnë. Shmang lëndimet. Flisni për gjithçka ka ndikuar në formimin tuaj, kjo do të ju ndihmojë në përmirësimin e vetes dhe marrëdhënies së çiftit.
4. Qeshni!. Të qeshurit së bashku rrit bashkëfajësinë, anulon barrierat, çliron tensionin.
5. “Hapu me mua”. Si ishte dita jote? Jini të gatshëm të dëgjoni dhe të ndani me partnerin arsyet e lumturisë, frikës dhe pritjet. Kjo përforcon lidhjen në çift.
6. Kush paguan? Flisni sinqerisht lidhur me çështjet ekonomike, në mënyrë që të përballeni me njëri-tjetrin në mënyrë autentike.
7. Xhelozi? Jo, faleminderit!. Xhelozia mund të bëhet një prani e padukshme dhe e rëndë, në gjendje për t’ju helmuar njëherë e mirë. Mendoni të shijoni dashurinë apo dëshironi t’i vini shkelmin marrëdhënies tuaj me xhelozi patologjike?
8. Pasioni. Kontakti fizik është flaka e bashkëfajësisë. Rizbuloni pasionin me partnerin, puthuni, përqafohuni, flini të zhveshur…bëni gjithçka keni nevojë për një marrëdhënie më intime.
9. Stimujt e rinj. A keni përjetuar ndonjëherë një aktivitet së bashku që asnjëri prej jush nuk e ka bërë ndonjëherë? Bëjëni atë. Sfida mund të jetë një mundësi për t’i treguar tjetrit se sa të mirë jemi … ose të na bëjnë të qeshim si të çmendur, kur argëtohemi.
10. Jeto të tashmen. Jetoni të tashmen, gëzoni shumicën e kohës … shijoni atë që ndjeni. Shpesh, edhe në fillimin e një histori dashurie, pritshmëritë për të ardhmen e prishin magjinë. Shmangni bisedat për të ardhmen. E ardhmja tashmë është duke ndodhur!
Burimi: TgCom24
