Një burrë që duhet të ishte në pension, rreth 68 vjeç ka gjetur mënyrën jo të duhur për të shprehur dramën e tij dhe sorollatjet burokratike duke qëlluar në ajër me çifte shotgan disa herë tek Sigurimet Shoqërore në Shkodër mëngjesin e sotëm dhe më pas është shoqëruar nga policia.
Sipas burimeve zyrtare ai po merret në pyetje në komisariat. Të dhënat paraprake flasin se ai ka pasur ankesa për shërbimin në sportelin e institucionit lidhur me çështjen e pensionit.
NJOFTIMI I POLICISE:
Sot më datë 10.05.2016 rreth orës 09:10 përballë Sigurimeve Shoqërore kishte te shtena me armë. Menjëhere me marrjen e njoftimit kanë shkuar shërbimet e policisë ku kanë bërë të mundur neutralizimin dhe shoqerimin në ambjentet e Policisë te shtetasit: Haxhi Lisaj, 68 vjec, banues në Shkodër.
Ky shtetas po qëllonte në ajër me një armë Shotgan, të cilën e kishte me lejë, ështe sekuestruar dhe arma në cilësinë e provës materiale. Paraprakisht arsyeja e këtij veprimi është mosmarrveshja e lindur për shkak të pensionit. Në vendin e ngjarjes po kryhen veprimet nga grupi hetimor.
