Policia e Pukës ka asgjësuar 1150 fidanë cannabis dje në fshatin Gjegjan, ku është zbuluar edhe një vendstrehim i kamufluar dhe një teleferik.
Sipas njoftimit të Policisë së këtij qyteti, në vijim të kontrollit të territorit për parandalimin dhe goditjen e kultivimit të bimëve narkotike, janë evidentuar dhe asgjësuar 1150 fidanë të kultivuar në kubikë.
Gjatë kontrollit të ushtruar në territorin njësisë Administrative Gjegjan , në Malin e Kaçinarit, sipër përroit të Shutinës janë konstatuar dhe asgjësuar rreth 1150 gota plastike të mbjella me bime të dyshuara si “Canabis Sativa”, si dhe rreth 300-400 m tuba uji.
