Wayne Rooney ka thënë se autobusi i skuadrës së Manchester United është sulmuar nga tifozët kundërshtarë në momentin që po shkonte në stadiumin “Upton Park”, atje ku do të luante ndaj West Ham ndeshjen e prapambetur të Premier League. Ndeshja është shtyrë për 45 minuta, pasi Manchester United mbërriti në stadium rreth një orë më vonë sesa parashikohej.
Trajneri i Manchester United dhe një roje e sigurisë u goditën edhe nga shishe uji, ashtu si i gjithë autobusi i “djajve” dhe Rooney tregoi për “Sky Sports”: “Trajneri u godit, por është me ne tani, kështu që po përgatitemi për ndeshjen tonë, për të bërë detyrën tonë.
Do t’i shihni imazhet, nuk më takon të flas, por ishte me të vërtetë zhgënjyese ajo që ndodhi.” Dhuna e ndodhur para stadiumit në Londër Kjo do të jetë ndeshja e fundit e West Ham në stadiumin “Upton Park”, një nga impiantet legjendë në futbollin londinez. “E dimë se është një ndeshje e madhe për West Ham, do të largohen nga stadiumi i tyre. Jam i bindur se klubi dhe futbollistët e West Ham janë të zhgënjyet po aq sa unë për atë që janë bërë tifozët e tyre,” – përfundoi Rooney.
