Një sulm ka ndodhur në një stacion treni në Mynih, ku agresori pasi ka bërtitur “Allah Akbar” ka nxjerr thikën dhe ka vrarë një qytetar si dhe ka plagosur dy të tjerë.
Ky sulm dyshohet të jetë terrorist, i treti i këtij lloji në Gjermani.Pamjet në video të masakrës tregojnë njolla gjaku që kanë mbuluar stacionin e trenit.
“Sulmuesi, një gjerman 27 vjeç, që u arrestua, ka bërë disa deklarata në momentin e sulmit që bën të mendohet për motive politike, islamike. Natyra e saktë e këtyre deklaratave është duke u verifikuar”, tha zëdhënësi i prokurorisë.
Sipas medias lokale që citojnë dëshmitarë, agresori ka bërtitur “Allah akbar”.
Nëse pista konfirmohet, atëherë bëhet fjalë për sulmin e tretë të këtij lloji në Gjermani që prej shtatorit.
Organizata Shteti Islamik (ISIS) kishte bërë thirrje në gusht të 2015 për kryerjen e sulmeve solitare me thikë në Gjermani, që deri tani nuk ka pësuar ndonjë sulm xhihadist të shkallës së gjerë.
