Në bazë të një hetimi disa mujorë janë sekuestruar 33 hektarë tokë në Palasë, Himarë me vlerë 33 milionë euro e dyshuar si produkt i veprimtarisë kriminale.
Ndërkohë mësohet se po procedohet penalisht 57- vjeçari Lefter Gjergji, nga Himara.
Ai akuzohet për veprat penale “Falsifikim dokumentesh” dhe “Pastrimi i produkteve të veprës penale apo veprimtarisë kriminale”. Në bazë të një hetimi, është bërë i mundur dokumentimi i plotë ligjor dhe vendosja e masës së sigurisë “Sekuestro preventive”, ku mbi bazën e të cilit, është sekuestruar një sipërfaqe toke prej 33 hektarë tokë në vendin e quajtur “Dhrale Adhendra”, Palasë, Himarë, në pronësi të Gjergjit.
Policia konfirmon se toka e sekuestruar, kap shumën monetare prej rreth 33 milionë eurove. Hetimet në ngarkim të 57- vjeçarit vijojnë ende, për zbardhjen e plotë të aktivitetit të tij.
